Year	Internal Revenue Allotment	Outsource Fund/ Donation/ Trust Fund and Others	Annual Budget	Expenditure	Balance
2017	1,774,692.00	0.00	1,774,692.00	0.00	1,774,692.00

Vision

ISANG MAPAYAPA AT MAUNLAD NA PAMAYANAN NA MAY PANANALIG AT TAKOT SA DIYOS. MAGKAROON NG MATAPAT NA PAGLILINGKOD ANG BAWAT ISANG NAMUMUNO NA TUMATALIMA SA BATAS NA UMIIRAL UPANG MAGKAROON NG MAAYOS NA PAMAMAHALA. MGA MAMAMAYANG MAY MAAYOS NA PAMUMUHAY AT NAGTITIWALA SA LAKAS NG PAGKAKAISA AT KUMAKALINGA SA KALIKASAN.

Mission

MAI ANGAT ANG ANTAS NG PAMUMUHAY NG MGA MAMAMAYAN. MAGKAROON NG MAAYOS AT TAPAT NA PAGLILINGKOD ANG MGA PAMUNUAN AT MAPANATILI ANG ISANG MAPAYAPA AT MAUNLAD NA PAMAYANAN. AT MAY MGA MAMAMAYANG NAGKAKAISA AT NAGTUTULUNGAN TUNGO SA KAUNLARAN.

Goal

MAGKARON NG ISANG MASAGANA AT MAUNLAD NA PAMAYANAN.

History

KASAYSAYAN NG BARANGAY

Ang Barangay Canda Ilaya ay isa sa mga barangay na malapit sa bayan ng Lopez, Lalawigan ng Quezon. Ito ay matatagpuan sa kanlurang bahagi ng bayan ng Calauag, Quezon may Tatlong (3) kilometro mula sa bayan ng Lopez. Karatig nito ang Barangay Bebito sa dakong kanluran, Brgy. Bigajo naman sa dakong Hilaga at Barangay Canda Ibaba sa silangan at Brgy. San Roque sa dakong Timog.
Ito ay may kabuuhang sukat na 2,777.5 ektaryang lupain na nasasakupan. Kapatagan ang anyo ng lupa dito kung kaya halos puro palayan ang makikita. Kakaunti ang bulubunduking lugar na may mga pulo – pulong niyogan. Ang pangunahing produkto dito ay palay at niyog na siyang nagsisilbing pangkabuhayan ng mga mamamayan dito.
May mataas na antas ng edukasyon dito sa aming Barangay, kung kaya mataas ang bahagdan ng mga mag-aaral dito. Marami ding mga propesyonal na mga nagta trabaho sa Gobyerno at maging sa pribado at may mga nagta trabaho din sa ibang bansa.
Ang Barangay Canda Ilaya ay mayroong mga pag-aaring lupain na kinatatayuan ng mga sumusunod: Pang Elementaryang paaralan, mula sa una hanggang ika-anim na baitang. Day Care Center, Health Center, Barangay Hall at may sarili ding Basketball court.
Marami ding maituturing na likas na yaman ang aming barangay, tulad ng ilog, sapa at mga bukal ng malinis na tubig. Ang Ilog ng Layon ang nagsisilbing patubig sa malawak na palayan. Dito din nanghuhuli ng isda ang ilang mga mamamayan na nagsisilbing pangkabuhayan ng pamilya. Ang malinis na bukal ng tubig ang siyang pinagkukunan ng tubig na dinadala pa sa iba’t ibang lugar dito sa bayan ng Lopez at maging sa mga karatig bayan. At dito din nagmumula ang tubig sa mga Refilling Station dito sa bayan ng Lopez at iba pang karatig bayan.
Ayon sa Alamat ang salitang Canda ay nagmula sa salitang “Kalachuchi” isang uri ng mabango at mahalimuyak na bulaklak na minsan ay ginagawang kwentas na palamuti lalo na sa panahon ng graduation. Isa din itong uri ng halamang gamot na nakakagamot sa ilang uri ng karamdaman.
Ayon sa kwento ng mga matatandang mamamayan dito, noong unang panahon daw ay laganap sa lugar na ito ang puno ng kalachuchi. Na noong panahon ng kastila ay madalas nila itong napapansin dahil sa taglay na kagandahan at halimuyak ng bulaklak na ito at madalas nilang sinasambit ang salitang “MACHOS CANDA” na ang ibig sabihin ay magandang bulaklak at magmula noon ang lugar na ito ay tinawag na Canda.
Ito ang Kasaysayan ng Barangay Canda Ilaya.