Vision

Isang barangay na maunlad, may malinis na kapaligiran, masaya at nagkakaisang mamamayan upang mapanatili ang kaayusan at katahimikan, may pagkilala at pananalig sa Diyos, kumikilos upang mapangalagaan ang likas na yaman ng karagatan para sa maunlad na pamumuhay.

Mission

Magkaroon ng mga proyektong pangkaunlaran at sama-samang kumikilos upang mapanatili ang kaayusan at katahimikan, magkaroon ng pananampalataya at mangalaga sa likas na yaman para sa kapakanan at kaunlaran ng mga mamamayan.

Goal

1. Gumawa ng mga proyekto at programang pangkaunlaran. pangkalusugan at pangangalaga ng kapaligiran.
2. Magsagawa at magpatupad ng mga ordinansa sa barangay.
3. Pagsunod sa mga alituntuning nakapaloob sa batas na ipinatutupad ng lokal na pamahalaan at ng barangay.
4. Pagsuporta sa mga gawaing pangkabataan na may kaugnayan sa pampalakasan, edukasyon at pagsasanay.
5. Pagkakaroon ng malinaw na pag-uulat ng mga isinasagawa ng proyekto at gawain na may kaugnayan sa pananalaping barangay.

History

Ang Barangay Manlayo ay isang punta na kanognog ng Poblacion at nasasakupan ng Barangay Calimpak na ang halos kabuuang lupa ay pag mamay-ari ng mag-asawang Eleazar at Lagdameo. Pinaniniwalaang ang mga unang nanirahan dito ay mga mangingisda na nagmula sa Visaya nangingisada sila sa pamamagitan ng pagbabaklad.

Noong 1927, dalawang makabibe o mangangalakal ng mga gamit sa bahay na nagmula sa lalawigan ng Cavite ang napadpad dito sanhi ng pagkasira ng sinasakyan nilang Pierro Carel. Natuklasan nila na maganda ang pangisdaan dito kaya sa kanilang pag uwi ibinalita nila ito sa kanilang mga kaanak. at ng matuklasan ang lugar na ito, minsan isang taga Poblacion ang nagtanong sa isang katutubong Visaya kung taga-saan ang mga dayuhang mangingisda at ito ay sumagot; sila ay taga malayong lugar ng Cavite at mula sa katagang "TAGA MALAYONG LUGAR" di kalaunan ay naging taga "MANLAYO".

Ang unang tao sa barangay na ito ay mga Diones, Pastorfide at Dualan na nagmula pa sa bario Labac Naic, Cavite na ang mga pangunahing pamamaraan ng pangingisda ay pamamanti, humuli ng isdang tonsoy, asohos at kabayas.

Noong 1951, sa pangunguna ni Tenyente Ignacio De Guzman ang Manlayo bilang isang Kristiyano ng sambayanan ay nagtatag ng sariling kapilya at nahirang ang Nuestra Señora de la Paz bilang patron na hinango sa Labac Naic, Cavite.