No records available. |
Vision
Makapaglingkod ng maayos, malinis at matapat.Upang mapangalagaan at mabilis na matugunan ang mga pangangailangan ng Barangay.
Mission
Pangalagaan ang kaayusan, kalinisan, kapayapaan ng barangay sa malinis na paraan para sa maunlad na pamayanan.
Goal
Mapanatiling malinis, maayos, matahimik at mapaunlad ang Barangay.
History
Ito ang barrio na karugtung ng kabayanan. Ayon sa mga matatanda ang kabayanan ay palibot ng kakahuyan na pinaninirahan ng ibat-ibang uri ng hayop at mga ibon. May isang uri raw ng ibon na kalimbahin ang pakpak na sa kakahuyan ngpupugad at nanginginain ng lamang dagat sa karatig na dalampasigan kaya tinawag na Kalimpak. Ang malawak na lupaing karugtong ng Poblacion, hango sa salitang Kalimbahin at Pakpak ng mga ibong dito matatagpuan.
Malawak na bahagi ng Kalimpak ay asyenda ng mayamang kastila na si Don Francisco Garcia na naka isang dibdib ni Donya Paula Matta. Ang ibang bahagi naman ay pag-aari ng mga Lagdameo at ni Don Vicente Isaac. Nagbukas din ng kanilang linang sina Mercurio, Esguerra, Arana at Villafuerte. Sa hindi inaasahang kapalaran naipagbili ng tagapagmana ni Don Francisco Garcia ang asyenda Garcia sa isang mayamang Kastila na si Don Tomas Matute at ito'y napasalin naman muli kay G. Emiliano Biscocho. Noon karamihan sa mga bahay ay nangungupahan lamang sa lupain ni Don Vicente Isaac, sa paglipas ng panahon ay dumami ang mga naninirahan dito galing sa iba't ibang lalawigan. Ang ikinabubuhay dito ng karamihan ay pangingisda at pagsasaka at ang ilan ay nangangalakal. Ang lupang kinatatayuan ng Medicare and Community Hospital ay donasyon ni G. Emiliano Biscocho. Ang paaralang Sekundarya ng Guinayangan ay dito rin itinayo sa loteng pag-aari ng pamahalaang lokal na donasyon naman ng pamilya Eleazar.
Maunlad na maunlad ang Barangay na ito dahil ito ang pinaka-maraming naninirahan at sa kasalukuyan malaking bahagi ng lupa dito ay ginawang Subdivision.