Year | Internal Revenue Allotment | Outsource Fund/ Donation/ Trust Fund and Others | Annual Budget | Expenditure | Balance |
---|---|---|---|---|---|
2018 | 4,598,176.00 | 138,800.00 | 4,736,976.00 | 4,736,976.00 | 0.00 |
Vision
Isang bukas, masigla, maunlad at progresibong barangay.
Mission
MAGLAAN NG SARILI, GAMITIN ANG
KAKAYAHAN PARA SA PAGSULONG NG ANTAS NG PAMUMUHAY DITO SA BARANGAY
Goal
PAG-UNLAD NG BARANGAY
History
Sa gawing baybayin ng dagat ay maayang kapatagan ang mamalas at sa dakong bulubundukin ay may kakahuyang nagdudulot ng kaaya-ayang alindog ng kalikasan. Sa baybaying ito unang sumilang ang nayong CARIDAD ILAYA at CARIDAD IBABA ay nagtataglay ng magandang kasaysayan bago magkaroon ng kaanyuan ang nayong ito.
Noong panahong dako pa roon nang ang mga tao ay di man halos nakababasa at nakasusulat,ang pook pong ito ay pinanahanan na ng mangilanngilang angkan na buhat sa ibat-ibang panig ng kapuluan. Sinasabing ang mga ito ay nag- aangkin ng pambihirang kasipagan at may magagandang kalooban. Ang ikinabubuhay nila ay ang walang humpay na pagbubugta ng lupa at walang sawang pangingisda bagamat may kalumaan ang kaalaman at pamamaraan sa pagtatanim ay saganang-sagana ang kanilang pamumuhay ng kasaganaan. Sa kabila ng kapagalang dulot ng maghapong paggawa ay nakukuha pa rin nilang magsipagsaya lalo na kung hapong namamaalam na ang araw. Isa sa mga katuwaang ginagawa nila ay ang pag- iinuman ng tuba sa munting tindahan ni Aling Caridad Paule. Ang tuba ay gawa rin ni Mang Angelito Alva,ang asawa ni Aling Caridad at kanilang itinitinda sa kanilang maliit na tindahan. Tulad ng iba pang mga ani sa paghahalaman ay dito rin itinitinda sa punduhanni Aling Caridad. Anupat ang tindahan ni Aling Caridad ay unti-unting nakararating ang katanyagan sa mga malalayong pook dahil sa masarap na lasa ng tuba. Bagamat may kahirapang marating ang pook na yaon maraming tao ang dumarayo roon upang kaipalay magkatuwaan sa pag iinuman ng tuba. Sinasabing kailangang tumulay ng kawayan o magbangka ang sinumang may nais makarating sa tindahan ni Aling Caridad, na kung ikaw ay tutulay ay magbabayad ng isang sentimo.
Sa paglipas ng maraming araw ay naging pasyalan na ang pook na ito ng maraming tao.Dumating ang panahon na ang pook na ito ay dinarayo na ng maraming tao hanggang tawagin itong Caridad at inalis na ang bansag na Aling. Dahil sa unti-unting pagdami ng mga tao ay naging maunlad ang Caridad. Nagkaroon na ang pamayanan ng mga pamunuan na pinangungunahan ng isang Tenyente.
Ayon sa tala ng kasaysayan ay lumaganap at lumaki ang nayon ng Caridad. Subalit sabay sa pag-unlad, ang ibang mga kanayon ay totoong napapalayo ang tinirhan. Dahil sa kalayuan ng ibang tirahan ang ibang mamamayan ay hindi kaagad-agad makadalo sa papulong ng nayon. Sa gayon ay nagdaramdam ang mga taong hindi nakararating sa oras na kailangan ang mga taong malayo ang tinitirahan. Tumitindi ang kanilang hindi pagkakaunawaan. Kaya’t ang mga mamamayang naninirahan sa parting Mauban ay nagalit at naipasyang humiwalay sa Caridad. Nagtayo sila ng Sitio na simula ay pinangalanang Lumiliay ay nakasibi din sa dagat bukod sa nililigiran ng malaking ilog tabang. Dito ay nagtatag din sila ng sariling pamunuan. Anupa’t ang lumiliay at Caridad ay kapwa lumaki at dumami ang mga taong doon ay naninirahan. Tulad ng inang Caridad ay nakatabi din s dgat bukod sa naliligiran ng malaking ilog tabang. Dito ay natatag din sila ng sariling pamunuan, Anupa’t ang lumiliay at Caridad ay kapwa lumaki at Dumami ang bilang ng angkan. Ang mabilis na pagdami ng mga tao at pagunlad ng Caridad at Lumiliay Ay nakaabot na sa kaalaman ng Alkalde Mayor at ito ay naging isang malaking suliranin para sa Punong Bayan. Kaya’t naipasyang pagtibayin na ang nayong ito ay gawing Caridad Ilaya at Caridad Ibaba.